O‘zbekistonliklar kuzda qayerda dam oladi

Kuz, quyosh va issiqlikning ko‘plab ixlosmandlari fikriga qaramay, sayohat va sayr uchun ajoyib fasl. Ranglar jilosi, to‘kilgan xazonlarning shitirlashi, quyosh ham endi issiq emas, ammo hamon o‘z iliqligi bilan bizni erkalaydi. O‘zbekistonda shahar shovqinidan chalg‘ib, tabiat qo‘ynida dam olsa bo‘ladigan go‘zal joylar ko‘p. Xo‘sh, ta'til yoki oddiy dam olish kunlari to‘g‘ri kelsa, o‘zbekistonliklar kuz faslida odatda qayerga oshiqadi? Ko‘pchilik, qoida tariqasida, megapolis bag‘ridagi o‘rmon — Toshkent botanika bog‘i yoki Yapon bog‘iga boradi. Atrofdagi tog‘, dala va daryolarni yaxshi biladiganlar ko‘pincha Ispaysoy vodiysiga yoki Badai-To‘qay qo‘riqxonasiga yo‘l oladi. Salqinlikka qaramay, ko‘pchilik Chorvoq suv omborining nam havosidan nafas oladi. Eng mashhur joylardan biri — Toshdengiz. Yengil shabada, bo‘shab qolgan plyajlar, tiniq havo va to‘lqin shovqini. Dam oluvchilar bir kunga, kamdan-kam ikki kunga keladi. Chodir, gulxan va shashlik bilan piknik uyushtiradi. Ba'zan yaqin-atrofdagi dam olish zonalarida taxta so‘ri buyuradi. Xolos. Qiziq bir haqiqat — kuz-qish faslida dam olishni faqat O‘zbekiston tashqarisiga chiqadiganlargina uddalaydi. Holbuki, ancha yaxshi xizmat va munosib qulaylik taklif qiladigan mahalliy kurortlar ham bor. Bunday kurort zonalari Toshdengiz qirg‘og‘i bo‘ylab joylashgan. Ulardan biri — «Briz» bugungi kunda kattalar uchun ham, bolalar uchun ham barcha qulayliklarga ega faol dam olishni taklif qiladi. Kattalar sauna, basseyn, bilyard, stol tennisi va ajoyib kuzgi baliq ovidan bahramand bo‘lishlari mumkin. Bolalar uchun yaxshi jihozlangan o‘yin maydonchasi, sevimli multfilmlardan bahra olish imkonini beruvchi sun'iy yo‘ldosh televideniyesi, yangi o‘quv mavsumi oldidan salomatlik va immunitet uchun dengiz havosi mavjud. Oila davrasida yoki do‘stlar bilan maxsus ajratilgan maydonchada hech kim xalaqit bermaydigan unutilmas piknik uyushtirish mumkin. Restoranda sizga katta qismi baliq va dengiz mahsulotlaridan iborat nafis taomnoma taklif etiladi. Baliq taomlari — mahalliy oshpazlarning ustaligidir. O‘z mijozlariga «Briz» har qanday didga mos yashash joyini taklif qiladi, chunki hududda quyidagilar joylashgan: 12 xonali korpus, ulardan 4 tasi 4 o‘rinli, 8 tasi 2 o‘rinli; 12 ta kottej, shundan 2 tasi 5 kishilik VIP, 3 tasi 4 o‘rinli, 7 tasi 2 o‘rinli. Avtomobilingiz uchun ham mutlaqo bepul, doimiy qo‘riqlanadigan to‘xtash joyi mavjud. Xullas, Turkiya va Gretsiya — dam olish a'lo. Ammo bizda ham yomon emas. Sinab ko‘rishga arziydi.